ياباري أيوب من السقم ..

[ام سعود]

السلام عليكم ورحمة الله وبركاته

وسلام خاص لكِ يالمشرفة خزامى ..


يا بنت الحلال يالحبيبة=اطلب لعله ما تجيك المصيبه

طلبتي إني أشارك معكم يا خزامى وأنا عندي قصيدة صغيرة ... هذي بولدي اللي راح لأمريكا ورده الله بالسلامه بعد سنين .


يا باري أيوب من سقم المرض = يا راد يوسف على يعقوب
ترد علي وليدي من غربته = يا رافع السماء بلا عمود
لي ثنعش عام أتمنى شوفته = واشوفه يطلب معهن زود
وسلامتكم


عندكم ابوفارس عسى الله يرعاه = جمارة قلبي حبيبٍ لبيب
وحافظكم الله كلكم ومبارك عليكم الشهر والله ييسر لنا ويعيننا على صيامه وقيامه

والسلام عليكم ورحمة الله وبركاته

[أبوسعود]

صح لسانس

والله يحفظ لك عيالك

ومشكورررررررة يالجدة

[خزامى]

وعليكم السلام ورحمة الله وبركاته ؛؛

هلا بك عدد ماهل المطر وعدد أوراق الشجر ؛؛

وعدد كل ماطار طير وأرتفع هلا بك عدد قطرات الندى على أوراق الشجر ؛؛

أنا بنتكم يا ام سعود واللي نسويه أقل من الواجب تجاهكم ؛؛

وعسانا نلحق جزاكم ؛؛

و الله يدفع عنا وعنكم كل مصيبه ؛؛ وما تفقدين غالي يالغالية ؛؛

وربي ما يحرمنا منك ومن وجودك بيننا بقصيدك وأبياتك الجميلة ؛؛

و أعاننا الله واياك على صيام الشهر الكريم وقيامه وأعاده علينا وعليك أعوام عديدة وسنين مديدة ؛؛

[الوافي]

صح لسانك يا أم سعود .....

[وردة العائلة]

صـــــــــــــــــح لســـــــــــــــــــانـــكـ...،،

والله يخليلك ولدك ياأم سعود..ويرجعه لك بالسلامه..،،

[علي صالح عبد الرحمن المحمود]

صــــــــــــــــــــح لســــــانــــــــــــك..
ومشكووورة على الموضوع و القصيدة..

[بنت المحمود]

صح لسانتس يا ام سعووود

[أبو الوليد]

ماشاءالله وصح لسانك ياخاله ام سعود

[ام سعود]

بسم الله الرحمن الرحيم

أشكركم يا بناتي وعيالي , أشكركم يابنات المحمود
واشكركم على الترحيب والاحتفال .
وابشرك يالغالية "وردة العائلة" إن ولدي جاي من زمان وجلس بامريكا 15 سنة وبعده راحت بنتي وزوجها وعيالها يوم كان ولدي في أمريكا وجلست سبع سنين , وقصدت بها قصيدة أعلمكم بها بعدين.

وسلامتكم كل باسمه والله يحفظكم ويسعدكم

والسلام عليكم ورحمة الله وبركاته