اجباري على كل الاعضاء يدخلون ( موضوع مهم )

[صالح محمد صالح المحمود]

بسم الله الرحمن الرحيم


هذا موضوع كنت مفكر فيه من اسبوعين وهو وش صار للمنتدى وشفيه كذا طافي محد يدخل والله لي شهر كل ما ادخل ما القى الا انا وبس



طبعا انا من رايي اللي خلا جميع الاعضاء يطلعون من المنتدى هو القسم التفاعلي الظاهر ثلاث ارباع المشاركات فيه, اصلن كل ما دخل منتدى لازم القاهم حاطين قسم خاص للالعاب


والله انا مادري وشي الاسباب بالظبط اللي تخلي الاعضاء ما يدخلون بس اتوقع


1 - التصميم ( لاني سالت اكثر من واحد يقولون التصميم ما عجبنا )

2 - ما في اقسام ( وخصوصا قسم الالعاب التفاعلي لانه يجمع الاعضاء واقسام ثانية ياليت لو تقولونها بالردود )

3- قسم الرياضة ( انا عارف ليش ما يحطون قسم رياضة بس خلوا 50 شرف على القسم واي مهاوشة تصير اغلقوا اقسم كم اسبوع , اصلن مافي بالمحمود الا هلاليين ونصراويين وان شاء الله ما يصير هواش لاانا عائلة وحدة )

طبعا صوتوا للاستفتاء اللي سويتة علموني هل كلامي صحيح ولا لا وشكرا



عالعموم ياليت لو كلكم تشاركون وتتفاعلون بالموضوع ( الظاهر ما حولك احد )

[بنت المحمود]

والله انك صادز


وفعلاً التصميم صاير تقل تصميم موقع بنك مب عائله


- ما في اقسام ( وخصوصا قسم الالعاب التفاعلي لانه يجمع الاعضاء


http://www.almahmod.com/vb/forumdisplay.php?f=20


وكل اللي قلتة صحيح 100%


تحياتي

بنت المحمود

[وردة العائلة]

لا حيــــــــــــاة لمن تنادي..

وبعدين ابي اسأل سؤال مشرف الترفيه والتقنيه وينه..؟؟

ماعمري شفته بالمنتدى أبــد..؟!

وبالنسبه للأقــسام مرره قليله.. نبي نقسم حواء لأقــسام متل طبخ واكسسوارات وملابس و....


وبعدين من قال أن اذا صار فيه قسم رياضي بيكون فيه مهاوشات..؟ هههههههه

ومن الأقسام اللي ابيها تصير بالمنتدى نبي قسم اول شي قسم التفاعلي يرجع وترك اختيار باقي الأقسام للأعضاء..

[الشاعر]

أؤيدكم بقوووووة ...

[صالح محمد صالح المحمود]

وييييييييييييييييييييييين الادااااارة <<<< لا تحاول ما حولك احد

والله لو اني ادور وضيفة كان طلعت قبل ما تسوون اللي طلبناه منكم

[الشرود]

حياك الله ابومحمد وعودا حميدا

بالنسبة للتصويت حبيت ارد على بعض النقاط اللي طرحتها

اولا _التصميم ما أعتقد أني ما أدخل بسبب الشكل المفروض هذا اخر شي نفكر فيه حنا دخلنا

وتحمسنا حتى نتعرف على اقاربنا وتزيد صلة رحمنا وشفتوا كيف كانت اولى ثمرات إفتتاح هذا

المنتدى في الإجتماع النسائي ..

(مطلوب التجديد في التصميم ونتمناه ولكن لايكون سببا ابدا في الإبتعاد عن المنتدى ..!! )


ثانيا_صحيح كلامك الترفيه التفاعلى كان له دور كبير في جذب الأعضاء وليته يرجع , وكذلك

نتمنى تقسيم " حواء" عدة اقسام مثل المطبخ ،أزياء ،ديكور،البشرة والشعر..

ثالثا_الرياضة صارت سابقا مشاكل بدون قسم يا ابومحمد.. عموما يرجع الأمر للإدارة والمشرفين.

عموما أنا اتوقع ان المنتدى ممل بسبب ان كل عضويدخل يقول مافيه الا انا ويطلع ..!! طيب

شارك ولا تطلع الا وانت واضع لك بصمة في احدى المواضيع بكذا يكون لك دور في تحريك

المنتدى وتشجيع عضو اخر بالإستمرار طبعا بردك على موضوعه ..ولوكل عضو سوى كذا

بتشوفون المنتدى كيف ينتعش ويرجع زي اول واحسن.

وقبل اختم تعليقي اتمنى ان نتذكر ان هذا منتدى عائلي خاص ؟؟؟

واتمنى ان لا ننسى الفضل لمن افتتح هذا المنتدى وجمعنا على الخير بإذن الله وان لا ننسى

مجهوده الشخصي في المحافظة على هذا المنتدى من اي شيء يشوبه. وكذلك جميع المشرفين

والمشرفات .. (نتمنى عودتكم وبقوة )

تحياتي

الشـــــــــــرود

[أنا منكم وفيكم]

بما إني أنا جديدة في المنتدى فنظرتي له:
إنه كان موصوف لي بصورة ولقيت العكس تماما ؛ مافي نشاط ، أدخل مافي أعضاء وإن لقيت عضو واحد بس ،ما في أقسام كثيرة مقارنة بالمنتديات الثانية ، وقسم حواء مدري ليه مايسجل، لكن ما تركت المنتدى حاولت بقدر استطاعتي أنزل مواضيع وأرد على المواضيع حتى لو هي قديمة .

وصدق ديكور المنتدى مرررة يضيق الصدر ..

[وردة العائلة]

أنا منكم وفيكم..

أذا تبين تدخلين حواء راسلي اشرقة أمل هي مشرفته.. وبتعطيك الرقم السري ان شاء الله..

أتمنى أكون أفتدك..

[أنا منكم وفيكم]

الله يعطيك العافيه ..
بس انا جربت اول ما دخلت وما فاد ، لكن ابجرب مرة ثانية ..
تسلمين على الاهتمام ..

[بنت المحمود]

مثل ما قالت الشروود

شارك ولا تطلع الا وانت واضع لك بصمة في احدى المواضيع بكذا يكون لك دور في تحريك

المنتدى وتشجيع عضو اخر بالإستمرار طبعا بردك على موضوعه ..ولوكل عضو سوى كذا

بتشوفون المنتدى كيف ينتعش ويرجع زي اول واحسن.



والمشرفين و المشرفاات مالهم وجود بالمنتدى

منهم من له اعذار

لكن مشرفين مثل اشراقة امل (( متمسك بشعار ان عدتم عدنا ))

طيب خلوا لكل مشرف نائب او مشرف آخر معه


اما عن قسم الرياضه فلة وجود بالترفية التفاعلي و لااعتقد انه سبب نووووووم المنتدى
ولا تنسى انة منتدى عائلي

تحياتي

بنت المحمود

[NooNe]

والله انك صادز المنتدى نايم:ag:

[صالح محمد صالح المحمود]

هي ما وقفت على التصميم خلاص التصمي لا تغيرونه بس طلعوا القسم التفاعلي

ما صار اكبر تجمع للاعضاء الا يوم انفتح القسم التفاعلي


عالعموم لي رجعه اخرى

[المحمودية]

اول مرة ادخل المنتدى بس جد جد كئيب واتمنى انه يتحسن انا من ناحيتي ابجيب مواضيع جديدة واتفاعل مع المواضيع الموجودة وارجو انكم تتفاعلوا انتم برضوا مع مواضيعي ولا نحط الوم على امشرفين بس:21:






:28::28::28:

[RUKIA-SAN]

لكن مشرفين مثل اشراقة امل (( متمسك بشعار ان عدتم عدنا ))



بنت المحمود..لكل انسان وجهة نظر خاصه..ومثل ماقالت (المحموديه) لانحط اللوم كله على المشرفين.. واذا بننتقدهم لانخصص احد منهم بالذات لان لكل واحد منهم زي ماقلتي ظروفه الخاصه..
وبعدين ليه كل واحد دخل يرد يقول المشرفين والمشرفين.. خلونا نقول مثلا ان المشرفين هم السبب في نوم المنتدى بنسبه 85%.. والـ 15% الباقيه بوجه نظري بسبب الاعضاء..ليش لما نحط مواضيع ونرد عليها يكتفي كاتب الموضوع بالكلمه المعتاده( شكرا لمرورك)؟؟ بصراحه انا اكثر شي يحطمني هذا الرد .. والاعضاء اللي تكون ردودهم زي كذا مايصير لي نفس ارد على مواضيعهم..امم ممكن مره او مرتين نقول شكرا لرورك بس مب كل مره نعيده..

وانتهي بمثل ما بدات..اتمنى انكم ماتنتقدون احد بذكر الاسامي..

تقبلوا( تفلفساتي) بسعة صدر.. اختكم..روكيا سان ..^_^"

ايه صح نسيت اقول شكرا لمستر ابو محمد 0_0

[المكلماني]

يا شباب ترى حنا مقصرين مقصرين مقصرين

يعني ترى ما ينجح اي منتدى بالإدارة بس أو بالأعضاء بس

هو تكاتف وتعاون من الجميع خصوصا وهو منتدى عائلي

[المحمودية]

بسم الله الرحمن الرحيم
انا اعجبني في الشباب الحيويين
حب النتقاد وتبرير مواقفهم بس جد
لو انكم بنفس الموقف
وجاتكم هذي الانتقادات باي صورة وش كان بيصير ردوود افعالكم
او وش يتصلحو وامكانياتكم محصوره:22:
:9:

[صالح محمد صالح المحمود]

خلاص يا شباب المشكلة قريب ان شاء الله تبي تنحل لاني كلمت المشرف وبتصير مفاجأت ان شاء الله بعد الاختبارات


انا ما ودي اقولها لانها مفاجئه

عالعموم ما طلعت هالردود الا وانتم متمسين للارتقاء بالمنتدى

["عاليه في همتها"]

صادقه الشرود ..

كلامك عين الصواب ..


وبنسبه للديكور وش سوالكم والله حلووووووو

صراحه أنا عـــــــــــاجبني مررررررررهـ ..

بلاكم ماشفتو منتدى أحد العوائل كــــــــــان تقولون ياحبيل ديكور منتدانا ..

["عاليه في همتها"]

صادقه الشرود ..

كلامك عين الصواب ..