شاركونا( بلقاء مع اطفالكم)......

[بسمة امل]

بسم الله الرحمن الرحيم

السلام عليكم ورحمة الله وبركاته

كيفكم..ان شاء الله بخير.....


الفكرة هي انك تسوي مقابله مع طفل بحيث ما يزيد عمره عن (9) سنوات :
( اخوك , اختك , ولد عمك , بنت خالك ... ولد الجيران )..الخ براحتكم

واسأله هالأسأله واكتب اجوبته منها نعرف كيف تفكيرهم ونشوف العالم بعيونهم..يعني مساحة خاصة بهم ..ومنها نضحك شوي ..
\\
نبدأ
الأسئلة :
1/ وش تسوي إذا صرت فاضي ؟
2/ لو فزت بـ 1000ريال ايش تسوي فيها ؟
3/ وين ودك تسافر في الاجازه؟
4/لو كسرت شئ ايش تسوي ..ومن تقوله ؟
5/ لو صرت مدير مدرسة شو بتسوي ؟
6/احلى اكلة تحبها ؟
7/ تحبني يا........ ؟ طيب ليش؟؟
8/ وش تعرف عن :
الأنسولين :
الإنترنت :
الإتيكيت :
التعليم العالي :
الماركة :
الستالايت :


أتمنى تكون الأجوبة بدون تعديل<<<<لأن هذي حلاوتها


أتمنى إن الفكرة أعجبتكم,, وأتمنى إنكم تشاركون في
الموضوع ..

يالله أنتظر مقابلاتكم مع الاطفال ..

دمتم بحفظ الرحمن..


منقول

[أنا منكم وفيكم]

واااااااااااااو موضوع يجنن ..

وه بس ياحبيلهم ..

أبشري بإبداعهم ..

لي عودة إن شاء الله مع أحد اللقاءات ..





تسلمين بسومة على الموضوع .. فعلا روعه

[وردة العائلة]

بصراااااحه الفكره عجبتني مررهـ.. تسلميييين والله.. نشطت هالقسم شووي..



يعطيك العافيه على هالأفكــــــــــــــــار الحلوه زيك..


وأنا سويت هالأسئلة مع أخوي الصغير.. هو السنه الجايه بيدخل أول أبتدائي..


بس لاتضحكوووون .. لأن الأجوبه طلللعت رهييييبه..


يلا نبدأ..

السؤال الأول..

1- وش تسوي اذا كنت فاضي..

أشوف التلفزيون..

2- اذ عندك 1000 ريال وش تسوي به

أشتري كاكاو وأشتري بييت.. مصدق بيلقى بيت بــ 1000ريال خخخخ

3- وين ودك تسافر بالأجازه

ألمانبـــا

4- اذا كسرت شي وش تسوي..؟ ومين تعلم..؟

آخذه وأحاول أزينه ولا أعلم أحد

5-اذا صرت مدير مدرسه.؟ وش تسوي

أعطي الناس اذا نجحوا هدايا

6- أكله تحبها..

الفراوله.. مادري أنا قلت له أكله ولا فاكهه..؟!!

7- تحبني..؟ ليش؟

لا.. بس.. مادري وش أنا مسوية له..؟؟!

- ماعرفه
- الألعاب اللي نطلعها بالكمبيوتر على فكره تراه يدخل النت ويطلع مواقع ألعاب ههههه

- ماعرفه
- الملابس
- يجيب توم وجيري

.....


انتهــــــى

ننظرك باقي بزارينكم.. هههههـ،،،،

[أنا منكم وفيكم]

بسم الله .. جيت ومعي لقاء مع أخوي ..وهو كبر أخو وردة العائلة (يعني بيدرس السنة الجاية أولى ) ..



1/ وش تسوي إذا صرت فاضي ؟
يقول :أسوي شيء << طبعا سألته وشو هالشيء
قال : يعني قولي أي شيء أسويه أسويه <<<< بالمرة مطيع أخيي.


2/ لو فزت بـ 1000ريال ايش تسوي فيها ؟
أشتري به أي شيء << مسكت معه أي شيء طبعا ما خليته قلتله وشو أي شيء
أي شيء رز من البقالة أي شيء .


3/ وين ودك تسافر في الاجازه؟
أسافر للرياض للسعودية طبعا <<<ههههه مادري هو عايش وين بايطاليا الظاهر
يقول يعني وين تبين أسافر أمريكا مثلا كافرين



4/لو كسرت شئ ايش تسوي ..ومن تقوله ؟
أروح أشري بداله
وأبقول هي إنكسرت <<<< هالكذاب عيني عينك


5/ لو صرت مدير مدرسة شو بتسوي ؟
إذا واحد سوى شيء غلط أضربه بالعجرا <<<<مادري منين جايبه


6/احلى اكلة تحبها ؟
تونة <<< يحب التواضع


7/ تحبني يا........ ؟ طيب ليش؟؟
لا .. بس كذا


8/ وش تعرف عن :
الأنسولين :ـــ> مادري
الإنترنت :ـــــ>حق الكمبيوتر
الإتيكيت :ـــــ>نلبسه علشان إذا جاء البرد <<<<<<< يحسبن أقول الجاكيت هع
التعليم العالي :ــــــــ>يعني تعلمينن كثير
الماركة :ــــــــ> مادري
الستالايت :ــــــــ> حق التلفزيون




وه جنن .. هاااه وش رايكم ..

[بسمة امل]

انا منكم وفيكم والأروع هو مرورك ومشاركتك

ياحبي لأخوك مسكت معه اي شي

وأحلى شي تعريف الاتكيت رووعة الله يخليه لكم ان شاء الله ويصلحه يارب



وردتنا ماسويت شي هذا أقل شي ممكن نقدمه للمنتدى عائلتنا الغالية علينا>>>جابت موضوع وصجتنا

وردتنا والأحلى هو مشاركتك بالموضوع

ياحبي لأخوك ماشاء الله عليه صريح الأخ ويطقها بالوجه بعد

وردة عندنا وعندكم خير أنا بعد اخواني يدخلون ويلعبون بالألعاب صرت اشك أنه جهازي

الله يخليه ويصلحه لكم

صراحة اخوانكم روعة يا حبي لهم

ويالله ننتظر بقية أشبال المحمود

[وردة العائلة]

وش دعوى ليش محد معطي الموضوع وجه..؟؟؟

[أوتــــار]

جبت لكم أختتتتتتتتتتتتتتي .. < بدري تو الناس
أسمها فلانة الفلااني .. < مسوية ماتبيهم يعرفووون
هي كبر أخوانكم السنة الجاية بتدرس


الأسئلة :
1/ وش تسوي إذا صرت فاضي ؟
أروح للحوش وألعب .. < تراه نصاابه والله هههع

2/ لو فزت بـ 1000ريال ايش تسوي فيها ؟
أشتري ألعاب وسيارة وحلاو

3/ وين ودك تسافر في الاجازه؟
أمريكا والقصيم واليابان عشان أشوف اللي بفلم كرتون .. <مصدقة هي ووجهه

4/لو كسرت شئ ايش تسوي ..ومن تقوله ؟
أروح أقول لأمي تراه أنكسر .. < الله من النصب

5/ لو صرت مدير مدرسة شو بتسوي ؟
ادرس البزاارين وأسكتهم .. < كنه تتكلم عن نفسه كخخ

6/احلى اكلة تحبها ؟
الحلاو والبيض والهمبرقر والفمتوو

7/ تحبني يا........ ؟ طيب ليش؟؟
إذا ماهاوشتينا أحبتس وإذا هاوشتينا ماأحبتس .. < استري يابنت خخخ

8/ وش تعرف عن :
الأنسولين : يمكنه أكل بالمطعم بس أنا ماأعرفه
الإنترنت : يعني كمبيوتر .. < زين فيه ذهاانه شوي
الإتيكيت : هذا سووق
التعليم العالي : يعني نتعلم
الماركة : يعني مركاا .. < ههههـ
الستالايت : ماأعرفوه يمكن حق السوني

< < للمعلومية ترى هي اللي نشبت بحلقي عشان أحط هاللون



إن شاء الله أعجبتكم أختنا اللي عليه أجوبة مدري وش تبي
مشكورة يابسووومة ع الفكرة اللؤطة

[حرم عبالعزيز بن سليمان المحمود]

راحة شوقنى اعرف رد الاولاد وكان هذا رد لمى عبدالعزيز المحمود (9)سنوات :
1/اقرا القران
2/اعطى الفلوس امى وابوى؟؟غريبة شوى فاجئتنى ؟
3/مدن خارجية /لاحظو مو دول مدن فقط
4/ماعلم وانحاش وبعد تردد قالت اعلم اخوانى الصغار علشان تصير الطقة فى روسهم
5/قلت اذا صرتى مديرة ارتزت ونفشت ريشها وقالت اولا بعاقب البنت الكسلانة وافصل المدرسة اللى تهاوش اوتغلط وتقولها بنفخةةةةةة
6/سمبوسة بالبيض تزامنا مع رمضان
7/قالت احبك لانك حنونة والله اعلم
8/وش تعرفين عن 1/الانسولين اكل مثل الحبوب 2/الدخول على المواقع3/المهندس وهى غير مقتنعة؟4/هو انك تتعلم حتى تصير ممتاز5/جزمة وملابس غالية واصلية بنات اخر زمن؟؟6/حلويات او ملابس

[وردة العائلة]

ياسلااااااااااام ع الأجوبه..

اوتار// أختك ياحبيلها تدنن.. كلهم اجوبتهم حلوه..

لموو // ياسلاام.. بس عاقله شوي البنت كبيره :) .. بس مبين من اجوبتها عاقله...< فهمنا

يلا مافي اولاد وبنات ..؟؟

[واسعة الخيال]

وأنا جبت لكـم أخوي اللي عمره 9 سنوات ..

جـ1/ أعاانـد << شـرر
جـ2/ أشتـري دبااب
جـ3/ أهـج .. وأقوول لأمي
جـ4/ أضرب العيال << شرير أخوي
جـ5/ رز
جـ6/ لا .. لأنك عنيده وراسك ياابس << حرام عليه حطمني ^_^
جـ7 / الأنسولين : يعني الإنسان اللين << خخخ حـلووه انساان لين
الإنترنت : قوقل << لا أشوى بهذي طلع ذهين شوي
الإتيكيت : التطور << قريب منهاا زين بدأ يفكر شوي
التعليم العالي : الكوليه << خخخخخخخخ يحس إن الكوليه هـي أعلى شي بالحيااة
الماركة : الشركة << قرب بس ماعرف يجيبهاا صح
الستالايت :الدش << رجال جابهاا

[ملاك الدنيا]

اولا احب اشكر اختي بسمه على الموضوع الي اكثر من رائع مشكوووووووووووووورة يا قلبي



ثانيا ببدأ بدووووون مقدمات يلاة ببدأ:


1/ وش تسوي إذا صرت فاضي ؟

أكلم بل تلفوووون

2/ لو فزت بـ 1000ريال ايش تسوي فيها ؟

500 اتصدق فيها و 500 الثانيه اشتري اغراض تعجبني

3/ وين ودك تسافر في الاجازه؟

النمسا

4/لو كسرت شئ ايش تسوي ..ومن تقوله ؟

اغبيه و مأقول ل احد
5/ لو صرت مدير مدرسة شو بتسوي ؟

اتعاون مع الطلبات ولا اكون قاسيه

6/احلى اكلة تحبها ؟

الطاطس

7/ تحبني يا........ ؟ طيب ليش؟؟

لئنك طيبه و حبوبه

8/ وش تعرف عن :
الأنسولين :مأعرف عنه شئ
الإنترنت :اعرف اشياء كثييره
الإتيكيت :لا اعرف شئ
التعليم العالي :مأعرف شئ
الماركة :ماركات كثيره مثل زارا و شانيل و اشياء كثيرهـ
الستالايت :الدش


يلاة بااااااااااااااااااي

[انسانه]

الموضوع رائع الله يعطيك العافيه ,و هذي اجوبة بنتي رغد سنه اولى ابتدائي


1/ وش تسوي إذا صرت فاضي ؟

العب
2/ لو فزت بـ 1000ريال ايش تسوي فيها ؟

اشتري اللي ابغاه
3/ وين ودك تسافر في الاجازه؟

اروح ل شوشو (بنت خالته ) علشان نجيب بسه
4/لو كسرت شئ ايش تسوي ..ومن تقوله ؟

اقول آسفه
5/ لو صرت مدير مدرسة شو بتسوي ؟

اناظر المشاغبين و احطهم بغرفة المديره علشان تعاقبهم
6/احلى اكلة تحبها ؟

الملوخيه و الهامبرجر
7/ تحبني يا........ ؟ طيب ليش؟؟

شوي علشان الله احبه اكثر من شيء و انتي احلى أم
8/ وش تعرف عن :
الأنسولين : اللي ما يتعشى بدري
الإنترنت : كمبيوتر و لاب توب
الإتيكيت :ما ادري
التعليم العالي :يعلمون اشياء عاليه
الماركة :محل
الستالايت :ستيله << عاد انا ما اعرف وشي ستيله


اذكروا الله على هالذكاء الخارق خخخخخخخخخخخخ

[ملاك الدنيا]

آلسلآم ....*

عآرفه آني ثآني مره آقآبل ..}

بس آلمقآبله مع آخوي آلصغير و عمره 8 سنين ..~


يلآه آبدأ ..!!


1/ وش تسوي إذا صرت فاضي ؟

آروح آلعب آلسوني .

2/ لو فزت بـ 1000ريال ايش تسوي فيها ؟

آشتري سوني 3 و بعد و سوني1 و بعد و سوني 2 و آشرطه للسوني .

3/ وين ودك تسافر في الاجازه؟

آمريكآ على شآن آروح عآلم ديزني < مثلي وه ههه .

4/لو كسرت شئ ايش تسوي ..ومن تقوله ؟

آوديه عند آمي .
5/ لو صرت مدير مدرسة شو بتسوي ؟

آدور على آلمدرسه و بعد آذآ شفت عيآل يتشهآوشون و يتطآقون آفككهم < ههههههه .

6/احلى اكلة تحبها ؟

بيزآ ببروني < بيزآ ترى هو ينطقها كيذآ هههه .

7/ تحبني يا........ ؟ طيب ليش؟؟

آيه , علشآن نلعب آنآ ويآك < ههههههههههآإي .

8/ وش تعرف عن :

الأنسولين : وآنآ وش درآن ههه .

الإنترنت : آلآلعآب و آلمسن و آلقيمزر .

الإتيكيت : وعه مآ عرف < ههههآإي غبي .

التعليم العالي : آلقرآءه و آلريآضيآت < ههههههآإي .

الماركة : آلملآبس و آلسوني و كل شئ < ذبحنآ بـ سوني ههههههآإي .

الستالايت : مآ عرف عنه شئ < ههههههآي .