طفل يجوع يقول ماما أبي [ همـ ] ..

[أوتــــار]

×

×

×


طفل يجوع : يقول ماما أبي هَمّ ..!!
مايدري أن الهَمْ ماتت به أرواح ..

[طفل صغير] لا يحب ولا يهتم ..
ولايبكي .. ولايندم على اللي راح ..

[طفل صغير] مادرس أو تعلم ..
وماتعلم كيف أحبابه يبادلونه جراح ..

[طفل صغير] ماعرف أبجديات الكلام ..
وماعرف طعم الألم وريحة الكذب لافاح ..

مادرى عن دنيا تصدم من ضحك أو تبسم ..
مادرى عن عالم يفقد طعم الإنشراح ..

وأنا كيف أشرح لطفل كم بيتجرع الألم ..؟
كم بيعايش من معاناة أليمة ماتباح ..!

كيف أشرح له شعور شخص [سجين] متهم ..
عايش هم أطفال وهم إطلاق السراح ..

كيف أشرح له شعور [ الفقير ] وحاله عدم ..
غارق بهم الديون وهم طفله إذا صاح ..

كيف أشرح له شعور واحساس [ الأطرم ] ..
يبغى يشرح أويقول وكل مشاعره ماتباح ..!

كيف أشرح له شعور واحد من الصم ..
يشوف من حوله يتشاور وماسمع الإقتراح ..

كيف أشرح له شعور شخص [ مقعد ] وماتم ..
عايش تحت رحمة عاش مكسور الجناح ..

كيف أشرح له شعور [ اليتيم ] لاأب ولاأم ..
تايه وسط الحياة بين هم وبين كفاح ..

كيف أشرح له شعور من [ فقد ] خال وعم ..
وعايش وسط ذكرى وذكريات ماتزاح ..

كيف أشرح له معاناة تشرب من أحبابك سم ..
ويخطون ويجرحون ويجون يطلبونك سماح ..!!

كيف أشرح له شعور [ تحب ] شخص وتعرف أنك له "رقم " !!
وأهو بالنسبه إليك " عمرك الي جاء والي راح " ..!

كيف أشرح شعور [ لابكيت ] الدمع دم ..
تبكي أنت طول يومك ليلك وحتى الصباح ..

كيف أشرح له [ ألم ] تحب شخص محترم ..
ثم تسميه " دنيتك " ويسميك " هم وينزاح " .!!

وكيف من يكتم حبه ويسكت ومايتكلم ..!
لين يرحل من يحبه ويبقى خياله له أشباح ..

كيف أشرح له ألم مايساويه أي ألم ..
تجلس معه وتحبه وتدري أنه بيترك الدنيا ويرتاح ..

تدري أنه ساعة زمن ثم يروح ويترك لك ذاك الندم ..
ليه أحبه ؟ وأجالسه؟ وهو مات وأستراح ..

كيف أشرح له شعور شخص [ ميت ] ومغرم ..
وتاركه ذاك المحب وهاجر عنه وراح ..

وكيف أشرح له العشرة بكل سهولة تنهدم ..!!
ويموت قلب الحب ذاك ويندفن وسط الجراح ..

كيف أشرح وكيف أقول أنكسر سن القلم ..
وماتت أبياتي وضاعت أحلامي وسط تيار الرياح ..

كيف أشرح ذا لطفل يبتسم ويبغى له هم ..؟!
وش أعطيه من همومي وأصغرها ماتباح ..؟!

ياحبيبي روح ألعب ثم تعال نرسم ( علم ) ..
ونلونه بألوان طيف زاهية فيها طعم الإرتياح ..

وسكر الدفتر حبيبي وخله بأدراجك يتم ..
وأفتحه لاضاقت همومك وأعرف الهم مو مزاح ..

وأذكر أنك أنت قلت: ماما أنا أبي هم ..!
هذا همك ياحبيبي ومابينفعك الصياح ..




تحيـــاتي
مما راق لي

[أنا منكم وفيكم]

أبيات مؤلمة لكنها جميـــــلة ..


سلمتِ ..

[نور]

كلمــآآت مؤلمة ..


الله يعطيك العافية ..

[الشرود]

حقا مؤلمة .. تدعو للإعتبار والتبصر ..

سلمت يداك ..

[شذى الورد]

ابيات مؤلمه تحكي حال بعض الأشخاص ""

مشكورهـ غلاتي ع الأبيات الأكثر من رائعه ""

[بلسم جروح]

ابيات خطيره .يعطيكـ العافيه اختي