تعــالوا هنآ في ركـن لـ "الفضفضـــه" ..

[فرفوشهـ]

صبحكم الله بالخـــــــــير جميعاً .....
.
.
بخش بالموضوع على طــول < ماعندها وقت خخ ..

هذا الله يسلمكم أنا كنت قاعدة هاليومين أهوجس مع نفسي افكار تجيبني وافكار توديــني ..
قلت يآفرفوشه لازم تخلين عنك العجز شوي وتحركين أصابعك مدري أناملك الذهبية احم < ماتشكون بهالشي أكيد ..
لاني بصراحة حسيت انه يبي لي أنزل موضوع بالمنتدى ...

المهم قعدت أفكر بموضوع يكون خفيف والمشاركات فيه مستمــرة ,
وبعد جهد من التفكير جتني هالفكرة < زين طلع شي خخ ..



الموضوع هذا اللي تشوفونه عبـــارة عن (فضفضــة) ..
يعني أنت/ي لو كان في خاطرك أي شي تبي تتكلم فيه أو كنت حاب تسمع آراء الأعضاء بموضوع معين ما عليك إلا انك تطرح سالفتك هنــا وتخـلي التعليق للأعضاء اللي بعدك ...


أوضح لكم أكثــر < مشكلتي إني فاشلة بالشرح ...

مثلا أنا صار معي حدث أو موقف وودي أقولكم عنه أجي هنا وأفضفض براحـــتي .. أو اني سمعت خبر أو طرا في بالي موضوع أبي اناقشكم فيه ,
أجــي هنيــا وأحطه والأعضاء لهم الحرية في انهم يشاركوني بآرائهم ويتفاعلون معي ...



* (طبعــا المواضيع اللي بتطرحونها مآ نبيها تكون مخالفة أو فيها أي تجاوزات عشان يظل منتدانا راقـــي وجميـل) ..

وأكيد هالمكان بيكون للجميـــع " يعني إترســـوه براحتــكم ^-* " ...
.
.

أتمنى تكون الفكرة اعجبتكم واذا عندكم أي تعليق أو نقد عليها تفضـــلوا فالمســــاحة فارغــة لكتاباتكم وآرائكم =) ..

لي عودة مع كم كبيــر من الفضفضة .....!

..

[عبد الرزاق]

وش ورانا نجي نفش خلقنا ونرتآح
: )
لي عودة إن شاء اللــه

[أوتــــار]

موضوع .. يووهبل ..


يعطيتس العافية ..

آمممم يآشين حووسة الجدآول والقلق والأعصصآب وكلش .. :(

[فهد علي صالح المحمود]

آخر مرة اواعد صالح الصبح !!!

[صالح محمد صالح المحمود]

يقالك مفضفض الحين ! انا صح مقدر على زعلك يا فهد بس اسمح لي اقولك كل تبن وخل عنك البربسة


انا الحين احس بسخنه ووشكله بتجين حراره الله العالم ومالي خلق اهاوشك ولا كان نفضت ريشك يا قزم < بدى يقط خيط وخيط


"" فرفوشة ماشاء الله عليك هذا وانتي تهوجسين طلعت هالافكار اجل لو مخمختي على المنتدى وش بيطلع ! ""

عموما انا ما عندي فضفضه الحين بس اعتقد اذا جلدن فهد ولا جلدته ما تفرق < لان فرق الطول يشفع لي "" بجي هنا اصيح شي

[فرفوشهـ]

^
أحـس خشتي بتنشق من الفرحة d:

بصراحــــه رفعتوا معنوياتي لأني توقعتكم تسحبون ع الموضوع بس أشوآ
< الحمدللّه مافشلتون خخخ

خخخ صالح توك ماشفت شي ، المخمخة جايه ان شاء الله بس إصبروا علي .. تدرون بعد الحين صرت من فئة العاطلين قصدي الخريجين عقبالكم كلكم =)
وبهالمناسبة ودي أقول لطلابنا شدّوا حيلكم عشان تنجحون < ماتقصد تقهر أحد خخخ


عندي لكم حتسي واجد بس بخليه برد ثاني ..

[بلسم]

أفففففف أكره البريكات :/

[صالح محمد صالح المحمود]

على طاري البريكات ! محاضراتي تبدا الساعه 9 وانا لي ساعه قايم ! ,, طبعا اشغلت وقتي بالاستغفار + وصلت مراحل متقدمه من لعبه cut the Rope < لقيت رابط يشغل اللعبه على الجهاز :$



للي يبي يلعب "cut the Rope " (http://www.cuttherope.ie/)

[فرفوشهـ]

.
.

مراححب أعضائنا =) ... كيفكم ؟

وشخباركم مع اختبارات الميدتيرم ؟ ادري انكم لاهين تذاكرون .. الله يوفقكم اجمعين


ملاحظين هالايام ذي ماشآء الله الجو شي يفتح النفس أمطار ورعود وبروق ياربي لك الحمد ,,
والله يجعلها امطار خيييير علينا ...
بصراحه الوقت هذا يصلح لـ كشته بالبر < وده تروح بس محد معطيها وجه خخخ



شوفوا اليوم جايبه معي موضوع ندردش فيه .. < الفضاوه وماتسوي هههه ..
أحسكم بتقولون وش هالنشبه اللي ابلشتنا ... وش أسوي والله ماأحب اشوفكم هاجدين بدون حس


ألا وهو : وشرايكم بمواقع التواصل الاجتمــــاعي .. مثل تويتر وفيس بوك وغيرها ؟؟

يعني وشرايكم فيها و وش تفضلون منهـــا ! .. اللي اشوفه هالايام انه محد مايستخدم هالمواقع وكلن هاب فيها وصايره شغلهم الشاغل ...


- شاركوني بآرائكم